價值投資之理解

價值投資

從事物價值出發看身邊所有事

可能是成長背景影響，出身草根，明白屋企得來的是血汗錢，所以要應洗則洗。從小我買東西時, 我心中必定會對該物件有一個價值, 價值來自它所能帶比你的利益, 利益不一定是錢, 也可以是快樂滿足感. 而我都只會付出比價值低或等同價值的價格，可能這正正是為什麼我覺得價值投資比較容易理解的原因。

價值投資也影響我對工作看法, 如果你想升職加薪, 你必需要做到OVER-DELIVER, 提供起你現職位更多的價值比公司, 做到To Give before you to take. 可惜, 人本質上喜歡貪小便宜, 所以我看見好多員工只想佔公司便宜, 人工1萬, 只做8千. 如果你公司內有大部分都是這類人, 而公司又未關門大吉, 咁可能係幾好的行業,唔需要競爭都可以賺錢, 可能係一個幾好的投資標. 可是, 如果行業競爭很大, 公司內必需杜絕這類員工, 保持競爭力

而價值投資, 說簡單就是盡量了解公司價值, 付出比價值低的價格去買進, 等待價值回歸

投資三大要素: 品質, 估值, 資產配置

公司品質

- 好公司是會不斷為社會創造價值, 解決社會上的問題, 帶動社會進步.

• 好行業, 本身市場夠大，正所謂水大魚大, 大的市場能吸引人才進入市場, 加強競爭, 好企業大多是在競爭中誕生

• 護城河- 尋找該市場贏家
• 品牌－〉忠誠客戶, 由於置換成本高(10億微信用戶)
• 牌照->壟斷 (銀行, 港交所)
• 製造行業核心技術
• 高資本門檻: 大型基建

所以，我所理解的護城河，就是要明白在該行業,"得什麼, 得天下”. 而所投資公司，必須要有這行業絕對優勢。

• 有誠信管理層, 同小股東利益一置
• 參考公司上市以來紀錄, 是否有用睇技分薄小股東利益
• 公司價值觀, 君子愛財, 取之有道. 特別在公司發展初期, 創業家的價值觀基本上就是公司的價值觀

估值方法

-財務報表分析

由於利潤容易受不同因素影響, 主力會看經營現金流, 融資成本, 資產表, 確認公司收入來源是來自本業, 盡力避開大機會破產的公司

-不同行業市場會用不同指標

PE, PEG - 增長股

PB － 銀行

P/RNAV, Dividend Yield - 地產收租股

EV/EBITA - 濠賭股

P/EV - 保險

Dividend Yield - 公用股

－參考該項指標歷史高低區域, 低買高賣, 但最重要是留意可能由於基本因素改變, 公司獲得市場重估.

－公司在不同的生命週期, 市場會用不同指標去恆量公司, 例如公司已在該市場停止增長, 市場已飽和, 不需要留資金來投資發展, 經營現金流可用來持續派息, 那麼市場可能會更重視息率.

資產配置

- 品質決定了該行業和公司可以佔投資組合比重, 市場夠大, 有增長, 公司是市場龍頭, 可以佔組合更大比重

- 當某公司估值嚴重低估時, 我可能超額配置, 但當估值修復時, 超額部分會沽出

- 各公司佔比不一家是一個實數,重點係要坐貨坐得舒服, 例如有些人風險承受能力較高, 對該公司認識更深, 我認為全倉買一間公司都不是問題

- 賣出原因: 估值過高, 公司品質變差, 有更好的投資選擇.

按市場情緒調整前鋒同後衛,  有時個市升得急, 又沒有合適換碼目標, 會食下糊手持現金, 投機地希望等個市回落, 明白這有違價值投資, 但經歷了數次大市反彈後回落沒有現金, 又沒有新增資金增持, 只能低位換碼, 心中不是味兒. 不過除非市場過熱, 否則不會手持大量現金(倉位長期90%以上), 因為現金只會不斷貶值.

估值 > 品質 > 資產配置

有人認為一個好的投資標, 公司品質比估值重要, 投資初期我也是這樣想, 只要長期持有好公司, 股價必然上升. 投資頭兩年是一位慢牛市, 差不多任何時間買我組合內公司, 都一定會賺錢, 可惜經歷完2018 年, 如果在相對高估值時買左470元既腾讯,  依家仲捱緊價. 我依然相信以腾讯的品質將來可以重上470元, 假設腾讯生命週期最終可以上到1000蚊, 470元買回報只有1倍, 但如果是250元腾讯, 回報有3倍之多. 所以, 長期持有只是一個結果, 因為公司價值不斷增長, 而市場先生給的價格又低於價值, 才能長期持有. 可是, 市場先生是不理性的, 在牛市時, 市場會不斷放大公司利好的基本因素, 對盤生意的潛在危機視而不見, 變相透支了公司未來幾年的自然增長的利多, 大大降低最終回報. 相反, 超過公司自然增長的回報只會在熊市出現, 市場放大公司利淡的因素, 投資人恐慌拋售, 低風險高回報的投資機會就會出現. 逆向投資往往是價值投資者的必修課.

除了影響回報外, 我認為估值比品質重要的另一原因, 是作為散户, 我不認為我現在有能力比起該行業的行內人或專業分析員對該公司了解更深, 所以對於品質的判斷, 我們沒有優勢。當然, 我們不可以以這為藉口，偷懶地不去研究公司的價值，而是散户時間並不多，沒可能可以用全部工作時間去了解一間公司，加上散戶能接觸到的資訊，多數是從新聞和公司的年報，這絕對有滯後性。可是，由於市場先生的不理性，透過以上的估值指標，可以知道價格出現明顯低估的時候，這就是我們獲得超額回報的機會。

以上是小弟對價值投資的理解，這來自這三年來閱讀的價值投資經典書籍，包括：巴老的給股東的信，芒格的Poor Charlie's Almanack，彼得林奇的投資書，霍華・馬克斯的投資最重要的事，價值投資blog 一篇篇好文章等等，加上這三年的投資經驗，集結成在現階段最適合我的投資理念。之後計劃把這些書重新閱讀一次，希望令自己在投資理念上，有更進階的理解。一本好書，在不同的時候閱讀，都會帶來新的思想衝擊。小弟會在此blog 紀錄這些書評，希望可以和其他人交流心得。

下一篇開始，小弟會開始對組合內的個股分析研究，希望可以一星期可以寫一篇。謝謝。

投資初心 (3)

之後一年, 暫時係我人生中, 最開心同時又最享受既一年. 這種開心和大學住宿是不一樣, 大學生活是無憂無慮的快樂, 而受訓的生活是十分辛苦, 但可以同一班有著一樣夢想的人,互相幫助地完成訓練, 見証自己的進步, 個種成功感係我以往的生活都沒感受過. 我從我同伴身上學習到好多,可惜我未能在訓練中和他們走到最後. 原因是因為自己未夠成熟, 當時我對這專業的追求是我的全部, 因為我付出了三年時間全心全意準備, 這加了無形壓力在最終考試上,最後做錯決定.

正如我之前所說, 該行業在香港入行渠道十分狹窄, 如果你在愈後的過程中失敗了, 你需付出數十倍的努力和金錢去再次証明自己. 結束訓練回到香港, 所有事就好似回到剛畢業起點一樣, 訓練一年內沒有收入, 我已用光了我所有積蓄, 我從大學開始就已經很少用屋企人既錢, 估不到在我26歲時, 需要向父親借錢過生活, 當中滋味真的很難受. 當時想法是我必需搵錢, 身為家中獨子. 之前3年無照顧過屋企, 對內心十分愧疚. 最理性既做法是暫時放下夢想, 面對現實. 在受訓朋友介紹下, 唔想浪費之前所學的知識, 所以立即入左行都算同我夢想職業有些相關的工作, 行頭算窄, 公司成立不久, 有很多學習和參與決策的機會. 而我也正正在那時候接觸到價值投資.

投資理念

由低做起, 重新開始, 當時一入行的人工唔高, 急需要找尋另外搵錢方法. 加上現任工作難道不高, 過往3年習慣了每天都有進步, 十分需要另一個領域讓自己學習, 投資正正符合. 之前做過一個Career attitude test, 話我係屬於accumulator 的企業家, 係偏向慢慢累積資產的類型, 代表人物是巴菲特. 當時上網研究巴菲特是如何致富, 接觸價值投資, 立即改變了我之前對股票投資的認識. 說來都算幸運, 大學無認真學過野, 什麼CAMPM, 有效市場假說, 完全忘記了, 所以中毒未深, 可以重新去認識真正合適自己的投資方法.

透過上網睇投資BLOG, 閱讀價值投資經典, 參考blogger 各種不同投資方法, 慢慢由理論到實踐. 2016年頭恆指低見18000點, 小弟開始用中銀月供股票, 由於一開始本小, 要一手一手買幾股票很難, 所以慢慢月供, 例如939, 101, 16, REITs, 700, 2388, 688 等等去累積被動收入.  隨住努力認真工作, 公司成立初期人手不足, 進升機會也更多, 主動收入快速增加, 等於同行中做了3,4年的工資水平, 這需要感謝老細比機會. 加人工代表我有更多本錢月供或一手手投資到我所選的投資組合內. 2017年至2018年頭, 投資人只要抱住股票不賣, 資產都會快速增值. 投資初期定立短期目標, 3 年內累積到1M, 在2017年尾, 我心想這短期目標在2018年尾應該無問題. 可惜, 少年你真係太年輕了! 原來2017年香港股市經歷10年一遇慢牛, 直到2018年頭33,000點. 而我完全沒有發現市場已經變得貪婪, 也枉費了投資大師巴菲特, 彼得.林奇, 霍華・馬克斯在書中的提醒和教導. 看著組合由+30%盈利, 到2018年尾-6%, 三年投資時間到頭來好似發左場夢, 其實我覺得自己是幸運的. 用3年時間見識了一個股票週期( 除左如2008全球股災未見識過外). 而這經歷慢慢令我明白屬於我自己的投資風格, 所以小弟選擇在此時開始, 詳細記錄我投資決定背後的原因, 希望可以有機會同帶我入門的blogger互相討論, 指點小弟.

當然, 此BLOG 並不是只談投資, 我也會分享一些我睇過既書評, 或者如果有人對我之前行業有興趣, 我也樂意分享. 但是,小弟依家的興趣真的不多, 可能只剩下投資和閱讀. 希望找到志同道合朋友一齊分享, 同時在財務自由的路途上互相支持.

投資初心 (2)

快樂生活過得特別快, 有得必有失, 大學三年, 小弟知識既增長接近係零, 雖然修讀金融相關既風險管理, 除左知道學科名稱外, 對其他一無所知. 你可能會問那我是如何畢業? 由於大學要求的主修學科只佔總學分的一半, 加上主科教授們深明教與學是一個隨緣既過程. 為左照顧我地呢班無緣份既學生, 基本上考試卷上必定有一題是翻抄既題目, 只要你出少少力記左背左答案, 教授都會比反個剛合格既成績. 而我會選擇一些比較簡單又有興趣既自選科目, 幫補下GPA. 可惜最終都要面對現實, 來到大三, 身邊朋友都開始為自己的仕途努力, 入大企業做實習, 去招聘講座. 可是而我拎住2.X既GPA, 基本上係無可能有面試機會. 當我在考慮職業時, 宿社上朋友對我影響很大, 雖然我讀既係頹科, 但同層樓友都會有神科學生, 法律, 會計, 計量金融等等. 同佢地一齊生活, 再次提醒我社會上比你聰明有想法既人比比皆是, 加上香港社會推祟專業人仕精英制, 小弟大學更是專出專業人仕的地方. 所以我當時已經後知後覺,有所後悔為何之前沒有好好努力準備將來.

命運對你關上門時, 總會留一扇窗. 在我迷失既時候, 我走進了一個招聘講座, 介紹了一個專業, 入職基本要求只是中學畢業, 有香港永久身份証就考得. 當然考到既人唔止係得呢D attributes, 但起碼比左我一個努力的目標. 加上我在招聘講座認識了該行業既資深人員, 佢地比我既感覺係專業,可靠, 我十分希望可以成為那樣的人.

當時明白到要入行, 我性格必定需要有重大的改變, 而可否成功,取決於我有對呢行有幾大Passion. 而我開始收集行業資料, 透過唔同channel 接觸該行人仕, 從他們身上總括以下成功因素: Passion + Right Mindset + Knowledge. Passion一開始是來自想改善生活, 因為該行絕對可以提供到work life balance 既中產生活, 對出身草根既我十分吸引. 但跟著一步一步接近目標, 我既passion 係來自make achievement 既成功感, 感覺到自己一日一日咁進步, become the person who I admire to. Right Mindset我既理解係Right Attributes. 當中最重要既係Be Responsible to everything. 對自己決定負責, 對家人朋友負責, 對自己的工作負責. 當你願意承擔責任, 犯錯時先想自己是否可以做得更好, 不要推卸, 自自然你會對自己要求愈來愈高, 當你自定既要求比起行業要求高時, 你就有更大既機會成功. 最後係Knowledge, 由於都係專業, 面試時都需要有基本知識考核, 証明你對相關學科有正常學習能力, 但如果你明白頭兩點, 我相信會知道如何令自己達到知識上要求.

有左目標同方法,畢業後兩年我就不停地令自己進步, 由之前的目標是及時行樂, 凡事Pass 就OK, 變得對自己要求愈來愈認真, knowledge 唔得就惡補. 例如該行業對英文有一定要求, 可以和外國人溝通係基本, 對於我間大學既畢業生應該無問題, 可惜, 英文ORAL 一路都係我讀書最大困難. 可能係因為面皮薄,就讀英文中學時, 身邊同學多係中產家庭長大,英文能力好, 在堂上我一講英文就會比人笑, 所以我漸漸唔想講英文,一直都係依靠比人好少少既記憶力, 靠背去記生字和文法. 而香港高考時, 我ORAL 拎左個F, 應該係個examiner 唔明我講左咩, 或者依為我講在粗口, 先比個F我. 但係因為ORAL係佔英文科最少分, 所以我最後都合格. 入到大學正常應該會有進步, 可惜依我既大學生活, 成日都係同反本地學生玩, 點會有機會學英文. 但為左入行, 我決心要改善英文會話. 搵左一班志同道合既朋友一齊mock interview , 參加外國人meet up group, 睇Uncle Siu d 片學Phonetic改走香港口音, 慢慢變返正常水平.

畢業之後, 我立即入左間股票相關既公司做BACK OFFICE工作而賺取生計，由於要入該行的準備工作中需要４０－５０Ｋ資金, 所以我就努力儲錢,收工後努力準備面試. 這段時間經歷兩年, 我順利通過面試, 得到受訓既機會.

之後一年, 暫時係我人生中, 最開心同時又最享受既一年...

待續

投資初心 (1)

投資的原因當然是為了賺錢. 但是對我而然, 更重要的是一個學習這社會運作和要求自身進步的方法.

小弟剛好算是90後, 2012年投身社會, 當時懷住年輕人的拼勁, 對夢想的追求, 全心全意投身在追夢的過程, 希望能加入某一行社會大眾普遍認為是荀工的職業. 經過3年的努力, 在2015年尾, 我與這夢想只差一步之近, 最後因為自己思想和決策上的不成熟而止步, 被暫時拒絕於門口. 該行業在香港入行渠道十分狹窄, 如果你在愈後的過程中失敗了, 你需付出數十倍的努力和金錢去再次証明自己.

雖然夢想未能達到, 但這三年的經歷徹底改變了我的人生觀和對自己未來的要求. 小弟出身草根階層, 從小明白凡事只可以靠自己. 從中五開始做兼職賺零用錢, 知道自己並不聰明, 只好加陪努力讀書, 希望入到大學以達父母對自己唯一要求. 2009年以剛剛好的成績考入本地所謂名牌大學, 但自己所讀只是4大頹系之一. 當時入到大學的目的, 就要希望可以無憂無慮享受大學生活. 中學時讀書為了報答父母, 在香港的教育制度下, 根本陪養不到讀書的興趣, 依家連唯一目標都消失, 可想而知我大學三年的生活是如此頹廢. 請容許我用小小時間懷念大學生活, 因為這必然是我人生中最自由的時間.

小弟所讀的大學出名學術自由, 可以隨便走堂無人理, 考試肥左就retake, 畢唔到業就repeat, 而最吸引的就是住Hall 生活.  可能是家中獨子, 一直憧憬群體生活, 加上屋企很細, 由小到大都沒有自己的空間, 所以就在收到大學通知書的一刻, 已經決定要離開屋企住Hall三年. 由於明白家中財政環境並不足夠支持的住宿生活, 所以我大學3年的主要工作就是幫人補習養自己. 小弟自中五起財政獨立, 搵幾多洗幾多, 絕對唔會借錢洗突, 而又務必身無分文地投身社會. 當時想法是大學時一個月儲一千幾百, 出黎做野幾個月都儲番啦, 為何不及時行樂. 簡單來說, 大學生活就是走堂, 補習, hall life 加旅遊.

對我來說, Hall Life 特別享受. 原因當然唔係有很多食女的故事可以分享啦, 如果想了解有關生活, 請到紙言上睇高質校園故. 對我來說, 最享受是和一大班差不多年齡既hallmate, 一齊談天說地探討充滿未知的未來, 晚晚買醉, 食宵, 大家一齊計劃如何追女等等. 無憂無慮, 今朝有酒今朝醉完全是我當時人生目標. 當一儲到點錢, 就計劃去旅行, 由第一次在大一暑假搭飛機出走台灣, 大學三年都出走了約10個地方, 特別享受是獨旅時的自由快樂, 和真心知已朋友一齊旅歷也十分享受.

快樂生活過得特別快, 有得必有失...
待續